‘One year of love is better than life time a lone’ By : Puitea Tuallawt Ka sawi thiam lo. Engtin nge ka tal awh a, englai khan nge ka fimkhurnain min thlawh bosan ka hre lo. Vawilehkhatah, mak takin, sawi thiam theih rual lova nghetin min man bet a. Nutling than kin zet tawh hi thahrui chhuah hman lek lovin min phin thlu tawp a ni ber e.Thiamthu sawi thei ka ni lo; sawi tur pawh ka hre hek lo, hmangaihna mak zia thu chauh lo hi chu!!Ni...nupui fanau nei a ni a. Ka hria a lawm. A nupui fel zia leh duhawmzia pawh ka hria. Keia tluk leh el phak rual a ni lo. A pasal, lo hmangaih pui ve turin dikna ka nei lova, an chhungkuaa buaina thlen duhna khawp rilru pu turin ka huatthu a sawi ngai hek lo. Mahse, englai khan nge a pasal chu ka lo hmangaih ve tak ka hre lo. Nasa takin ka hmangaih ve a ni tih chauh lo chu!!Shillong-a ah ka ni-te tlawh turin ka zina. Vanduaithlak nge vanneihthlak lutuk zawk, bus-ah kan ...